زینب نے کہا مرقدِ شبیر پہ بھائی آئی ہوں تری دید کو میں غم کی ستائی بچی کو تری آئی ہوں زنداں میں سلا کے دروں کی اذیت نہیں سہ پائی وہ بھائی رکنے نہیں دیتے تھے ہمیں ظلم کے بانی چلنے نہیں دیتی تھی ہمیں آبلہ پائی زنداں میں سکینہ کے یہ نالے تھے کہ عمّوں کیا آپکو راس آ گئی دریا کی ترائی دولہا نہ بنا ہائے مرا گیسوؤں والا مادر نے کوئی بیٹے کی منّت نہ بڑھائی شمشیر بھی روتی تھی وہاں خون کے آنسو بے شیر کی تربت جو شہ دیں نے بنائی بعض آتا تھا نہ شمرِ لعیں کوئی ستم سے نانا کی ہر اک گام پہ دی ہم نے دہائی کس منھ سے مدینے کی طرف جاؤں میں بھیّا سب لٹ گئی پردیس میں امّاں کی کمائی الماس یہ کہہ کر کہ بہت روئی وہ دُکھیا کیا کیا نہ ستم ہم نے سہے قید میں بھائی